Ei spesiell historie

Frå gamalt av var det to dører ved sida av kvarandre inn til stova. Denne eine døra vart berre nytta til å bera lik ut. Ho vart ikkje brukt elles. Grunnen til dette var at dersom ein bar den avlidne ut den vanlege døra, ville den døde gå att og spøkja. Etter ei ombygging murte ein opp ein brannmur i den eine døropninga og sette opp ein fint dekorert støypejarnsomn. På biletet kan ein sjå kor opninga har vore, og øvst så vidt skimta boga som har vore over døra.